Месси эртага МЮга қарши ўйинда иштирок этадими?

Каталониянинг "Барселона" клуби бош мураббийи Эрнесто Вальверде ўтган ҳафта "Манчестер Юнайтед"га қарши бўлиб ўтган “Олд Траффорд”даги баҳсда жароҳат олган ҳужумчи Лионель Месси эртага худди шу жамоага қарши бўлиб ўтадиган жавоб учрашувида иштирок этишини айтди.

“Ҳозир Мессида ҳаммаси жойида ва у эртанги баҳсга тайёр”, - дейди Вальверде.

Эслатиб ўтамиз, мураббий аргентиналик футболчини Ла Лиганинг 32-туридан ўрин олган “Уэска”га қарши баҳсда майдонга туширмаган ва унга дам берган эди.

Маълумот учун, “Барселона” – МЮ учрашуви эртага Тошкент вақти билан соат 00:00да бошланади.