Месси фаолиятидаги бешинчи "Олтин бутса"ни қўлга киритиб, Роналдуни ортда қолдиришга жуда яқин турибди

Каталониянинг “Барселона” клуби форварди Лионель Месси фаолиятидаги навбатдаги “Олтин бутса”ни ютишга жуда яқин турибди.

Англия ва Германияда мавсум якунлангач фақатгина Чиро Иммобиле ("Лацио"), Эдинсон Кавани (ПСЖ) ва Мауро Икарди ("Интер") каби футболчилар Мессини ушбу совриндан мосуво қилишлари мумкин. Аммо бунинг учун Иммобиле А Сериянинг сўнгги турида рақиблари дарвозасига 5та гол уриши лозим бўлса, Кавани ва Икарди мавсумни якунлаб берувчи учрашувда ўз ҳисобига 6тадан гол ёздириб қўйиши керак. Акс ҳолда аргентиналик футболчи ўзининг фаолиятидаги бешинчи “Олтин бутса”ни қўлга киритади.

Таъкидлаш лозимки, “Барселона”ни олдинда 20 май куни “Реал Сосьедад”га қарши баҳс кутил турибди. Агар Месси ушбу баҳсда ҳам гол уришини таҳмин қилсак, унда ушбу мукофотни ютиш имкониятлари жуда юқори. Воқеалар ривожи шундай якун топса, Месси бу борад "Реал" ҳужумчиси Криштиану Роналдуни (4та) ортда қолдириши мумкин.