Месси ҳаммасини барбод қилди

Whoscored порталининг маълум қилишича, ПСЖ юлдузи Лионгель Месси бу мавсумда кучли бешлик чемпионатларида голли вазиятларни энг кўп барбод қилаётган ўйинчига айланиб қолди.

Ҳисоб-китобларга кўра, 34 ёшли ҳужумчи Франция чемпионатида юзага келган голли вазиятлардан атиги 8,3 фоизини самарали якунлаган холос. Бу жорий мавсумда кучли бешлик чемпионатларида камида ўнта голли вазиятда қатнашган футболчилар орасида энг паст кўрсаткич экани қайд этилди.

Янги чемпионатда дебют мавсумини ўтказаётган аргентиналик ҳужумчи 23 та учрашувда қатнашиб, тўртта гол ва 13 та голли пас муаллифи бўлди.

Месси парижликлар таркибида муддатидан олдин Франция чемпиони бўлди.