Месси икки жамоадан қўрқяпти

ПСЖ ва Аргентина терма жамоаси  ҳужумчиси Лионель Месси ўз ҳамюртларини жаҳон чемпионатида ғолиб чиқишига ишониб қолмасликка чақирди.

35 ёшли футболчи Қатарга борадиган жамоалар орасида анча қудратлилари борлигини таъкидламоқда.

- Ҳар қандай рақиб ўзига яраша кучли. Бизда Европа мамлакатлари терма жамоалари билан ўйнаш тажрибаси катта эмас. Лекин ўша терма жамоаларга ҳам биз билан ўйнаш ёқмайди. Европаликлар жанубий америкаликларга қарши баҳсларда анча қийналади.

Бироқ, халқнинг беҳад катта умидлари ва ўзимизни олдиндан чемпион сифатида ҳис қилаётганимизга ишониб қолмаслигимиз керак. Турнирда босқичма-босқич илгарилаш зарур.

Франция таркиби ва мураббийи билан одамни  даҳшатга солмоқда. Шунингдек, Бразилия терма жамоаси таркиби ҳам сифатли футболчилардан тузилганини инобатга олиш керак. Уларга барқарорлик етишмагани билан сафда Неймар бор, - деди Лионель Месси.