Месси ЖЧда Левандовски билан бўлган воқеа ҳақида гапирди

Жаҳон чемпионати 3-турида Аргентина Польшага қарши ўйнади ва 2:0 ҳисобида ғалаба қозонди. Ушбу ўйин орқали Лионель Скалони шогирдлари биринчи ўрин билан плей-оффга чиқишга муваффақ бўлди. Мазкур баҳсда энг эътиборни тортган нарса бу Месси ва Левандовскининг тўқнашуви бўлди. Бу ҳақида аргентиналиклар сардори гапириб ўтди. 

"2021 йилда "Олтин тўп"ни ютганимда, нималарни ҳис қилаётганимни айтганман. Аммо Левандовски ўша пайтда баёнот билан чиқди. Бу эса мени ташвишга солди. Ўйин давомида унга эътибор бермасликка ҳаракат қилдим. У ўшанда айтмаслиги керак бўлган гапларни гапирди ва менинг жаҳлимни чиқарганди. Левандовскига нисбатан атайлаб дриблингимни ишга солдимми? Ҳа! Аммо кейинчалик Роберт билан кўришдик ва келишиб олдик". 

Польшага қарши учрашувда Месси Левандоскига қўл беришни истамаганди. 

Эслатиб ўтамиз, Роберт ва Лионель бу мавсум "Барселона" сафида бирга ўйнаши мумкин эди. Аммо 36 ёшли футболчи МЛСга йўл олди.