Месси кетма-кет 19 йилдан буён гол уриб келмоқда

ПСЖ ҳужумчиси Лионель Месси голлар сериясини узайтирди. Гап шундаки, 35 ёшли аргентиналик футболчи 2005 йилдан буён профессионал футболчи сифатида кетма-кет 19 йил доимий равишда гол уриб келмоқда.

Аргентиналик юлдуз кеча Франция чемпионатининг 18-туридан ўрин олган “Анже”га қарши ўйиннинг 72-дақиқасида рақиб дарвозасини ишғол қилди ва 2023 йилги календар йилида ҳам гол уришга муваффақ бўлди. Шунингдек, Месси 8-марта йилнинг биринчи ўйинида гол уришга муваффақ бўлгани ҳам эътиборга молик. У ўтган 2022 йилни 35 та гол билан якунлаган эди. Леонинг бу борадаги рекорди эса 2012 йилга тўғри келади. Ўшанда у бир йил мобайнида жами 91 та гол урган.

Лионель Месси жорий мавсум ПСЖ сафида 20 ўйинда майдонга тушби ва ўз ҳисобига 13 та гол ҳамда 14 та голли узатма ёздириб қўйди.