Messi ketma-ket 20 yil rasmiy o‘yinlarda gol urib kelmoqda!
"Inter Mayami" futbolchisi Lionel Messi bugun tongda "Los-Anjeles Gelaksi" klubiga qarshi bahsda gol urdi. U jamoasining hisobni tenglashtiruvchi goliga mualliflik qildi.
Shu tariqa, argentinalik futbolchi ketma-ket 20 yil rasmiy o‘yinlarda o‘z nomini tabloga yozdirib qo‘yishga muvaffaq bo‘ldi. 36 yoshli Leo o‘zining ilk rasmiy golini 2005 yil 1 mayida "Barselona" safida "Albasete" darvozasiga kiritgandi. O‘sha paytda u 17 yoshda bo‘lgan.
Ma’lumot o‘rnida, Messi joriy mavsum MLS doirasidagi 2 o‘yinda bittadan gol va assist muallifiga aylangan.
Fikrlar