Месси: Мени танлаганингиз учун миннатдорман

Ҳар йили "Олтин тўп" совринини ўз эгасига топширувчи "France football" нашри барча даврларнинг энг яхши футболчиларидан иборат рамзий жамоани тузиб чиқди. Ушбу таркибга киритилган аргентиналик Лионель Месси бу ҳақида фикр билдирди.

- "Олтин тўп" орзулар жамоасига кириш ғурур бағишлайди. Мени танлаганингиз учун миннатдорман ва мен билан бир жамоадан ўрин олган барча футболчиларни табриклайман. Ушбу рўйхатдан ҳақиқий феноменлар ўрин олди", - дея ўз "Инстаграм" саҳифасида ёзиб қолдирди 33 ёшли футболчи.

Эслатиб ўтамиз, Лео Месси 6 карра "Олтин тўп" соҳиби ҳисобланади.