Месси мундиалда гол уриш бўйича Клозе рекордини такрорлади

Лео Месси жаҳон чемпионатлари тарихида яна бир рекордга тенглашди. Аргентина терма жамоаси етакчиси Мирослав Клозе ўрнатган кўп гол урган футболчи рекордини такрорлаб, ўз ҳисобидаги тўплар сонини 16 тага етказди.

Месси бу натижага 2026 йилги жаҳон чемпионатининг биринчи учрашувида эришди. Жаҳон биринчилигида олтинчи марта майдонга тушаётган аргентиналик ҳужумчи шу билан яна бир тарихий кўрсаткичга эга бўлди — бу қадар кўп мундиалда иштирок этган футболчи ҳозирча йўқ.

Аргентина терма жамоаси “J” гуруҳи биринчи турида Жазоирга қарши майдонга тушди ва 3:0 ҳисобида ишончли ғалаба қозонди. Учала гол ҳам Лео Месси ҳиссасига тўғри келди — у хет-трик қайд этди.

Биринчи гол 17-дақиқада Родриго де Паульнинг узатмасидан сўнг урилди. Иккинчи тўп 60-дақиқада Мессининг шахсий маҳорат намойиши орқали киритилди. 76-дақиқада эса у Николас Гонсалеснинг пасидан кейин учинчи голни ҳам Алжир дарвозасига жойлади.

Шу тариқа, Месси жаҳон чемпионатлари тарихида 16 та гол билан Мирослав Клозега етди. Ундан кейинги ўринларда бразилиялик Роналдо (15 гол), германия Герд Мюллер (14) ва франциялик Килиан Мбаппе (14) қайд этилган. Мбаппе ҳам ҳозирги жаҳон чемпионатида иштирок этмоқда.

2026 йилги жаҳон чемпионати илк бор 48 та терма жамоа иштирокида ва уч давлат — АҚШ, Канада ва Мексика ҳудудида ўтказилмоқда. Мусобақа 19 июль куни якунланиши режалаштирилган.