Месси: “Олтин тўп”га мен муносибман!

“Пари Сен-Жермен” ва Аргентина терма жамоаси ҳужумчиси Лионель Месси ўтган йили “Олтин тўп” соврини польшалик Роберт Левандовски эмас, балки ўзига берилганига фикр билдирди.

- Ҳар ким истаган нарсасини гапириши ва ўз фикрини билдириши мумкин. Ростини айтсам, Левандовскининг “Олтин тўп” ҳақидаги гапларига эътибор бермадим. Бу менга қизиқ эмас.

Менинг ўша пайтда Робертга айтган гапларим чин дилдан чиққан эди, чунки ўша пайтда ҳиссиётларим шундай бўлган.

Мен ўшанда Левандовски “Олтин тўп”га бир йил олдинги мавсумда лойиқ бўлганини айтганман ва ўзим совринни қўлга киритган йили энг зўри у эмасди, - деди Лионель Месси.

Эслатиб ўтамиз, 2020 йили коронавирус пандемиячи туфайли “Олтин тўп” тақдими ўтказилмаган. Ўшанда кўплаб мухлису мутахассислар бу ютуққа айнан Роберт Левандовски лойиқлигини таъкидлашган эди.