Месси ўзига ўхшаган футболчи чиққанини ошкор қилди

Жаҳон футболида чуқур из қолдирган Лионель Месси янги авлод вакиллари орасида ўзининг ёшлигини эслатиб юборадиган ўйинчи борлигини айтди.

- Ҳозирги янги авлод футболчилари орасида ўзимнинг ёшлигимни кўрадиган ўйинчиларборми? Менга ёшлар ёқади, уларнинг келажаги ҳали олдинда.

Мен Ламин Ямаль ҳақида кўп эшитдим. У ҳозир қилаётган ишларини давом эттириши зарур. Бироқ бу фақатгина унинг ўзига боғлиқ масала эмас, унга таъсир қилидиган кўплаб омиллар бор.

Айни пайтда Ямаль ўзини жуда яхши кўрсатиб келяпти ва уни ёрқин келажак кутаётганига аминман, - деди Лионель Месси.

Ламин Ямаль ҳам худди Месси сингари “Барселона” тарбияланувчиси ҳисобланади. 17 ёшли футболчининг бугунги кундаги трансфер нархи 150 миллион еврога етди.