Месси ПСЖдан “Барса”даги шеригини олиб келишни талаб қилмоқда
ПСЖ ҳужумчиси Лионель Мессининг клуб билан амалдаги шартномаси мавсум охирида якунланади. Аргентиналик жаҳон чемпиони ҳамкорликни узайтирадиган кўринади.
El Nacional нашрининг ёзишича, Месси парижликлардан “Барселона”да ўзи билан бирга ўйнаган Жорди Альбани олиб келишни сўрамоқда.
“Барселона” бош мураббийи Хави Эрнандес таркибни ёшартириш сиёсатини давом эттирмоқда. Шу боис, каталонияликлар тажрибали ўйинчини қўйиб юборишга тайёр.
Март ойида Жорди Альба 34 ёшни қарши олади. Бу ўйинчи “Барселона” сафида жами 443 та учрашувда майдонга тушиб, 25 та гол ва 96 та ассист муаллифи бўлган.
Фикрлар