Месси қачон "Барселона" билан шартнома имзолаши маълум бўлди

Европа нашрлари аргентиналик ҳужумчи Лионель Месси "Барселона" билан қачон янги шартнома имзолаши ҳақида хабар тарқата бошлади.

Goal.com тарқатган хабарга кўра, шартнома имзолаш маросими бугун, 5 августга белгиланган.

“Барселона” Ла Лиганинг инвестиция фонди кўмагида Месси билан ҳамкорликни давом эттиради. Каталония клуби жами 280 миллион евро олади, шундан 42 миллиони трансферларга ва иш ҳаққи тўлаш учун сарфланади.

Айтиш лозимки, 6 карра “Олтин тўп” соҳиби 1 июлдан буён эркин агент ҳисобланади.

"Барселона" тарбияланувчиси ҳисобланган Месси 2000 йилдан буён клуб таркибида ўйнаб келмоқда. 2003 йилнинг ноябрида асосий таркибда дебют қилган Лео ўтган давр мобайнида жами 778 та ўйин ўтказди ва ўз ҳисобига 672 та гол ҳамда 305 голли узатма ёздириб қўйди.

Месси “Барса” таркибида жами 35 совринни қўлга киритган.