Месси қачон майдонга қайтади?
Аргентина терма жамоаси билан Жаҳон чемпионлигини қўлга киритган Лионель Месси бироз муддатга танаффус олганди.
"TyC Sports" нашри унинг қачон майдонга қайтишини маълум қилди. Манбага кўра, Лео Франция чемпионати 18-туридан ўрин олган "Анже"га қарши беллашувда қатнашади. Баҳс 10-дан 11 январга ўтар кечаси бўлиб ўтади.
Месси жорий мавсум парижликлар таркибида 19 ўйинда майдонга тушиб, ўз ҳисобига 12 гол ҳамда 14 ассистни ёздириб қўйишга муваффақ бўлган.
Аввалроқ, Мбаппе ва Неймарнинг қачон таркибга қайтиши аниқ бўлганди.
Фикрлар