Месси рад этган клуб Роналдуни олмоқчи

Англиялик футбол юлдузи Дэвид Бекхэмга қарашли “Интер Майами”  раҳбарияти “Ювентус” ҳужумчиси Криштиану Роналду трансфери бўйича иш бошлади, деб хабар бермоқда Todo Fichajes нашри.

“Интер Майами” мутасаддилари Роналдунинг туринликлар билан шартномаси 2022 йили якунланиши ва португалиялик ҳужумчининг АҚШда ўйнаш истагини инобатга олиб, бу трансфер амалга ошишига ишонмоқда.

Аввалроқ, Бекхэм клуби “Барселона” етакчиси Лионель Мессини ҳам таклиф этиб, аргентиналик ҳужумчидан рад жавобини олганди. Бироқ, Бекхэмнинг ўзи Роналду унинг чорловига кўниши мумкинлигини таъкидлаяпти.

Матнда хатолик топсангиз, ўша хатони белгилаб, бизга жўнатинг (Ctrl + Enter)