Месси туғилган кунида хет-трик муаллифи бўлди. Ўйинда 12 та гол урилди!

Кеча Лионель Месси ўзининг туғилган кунини нишонлаганидан хабарингиз бор. Шунингдек, мазкур санада Лео дўсти ва Аргентина терма жамоасида тўп тепган Макси Родригеснинг хайрлашув учрашувида ҳам иштирок этди.

Баҳс Росарио шаҳрида "Ньюэллз Олд Бойз" клубининг уй стадионида бўлиб ўтди. Унда Аргентина терма жамоаси "Ньюэллз Олд Бойз" жамоасига қарши саф тортди. 

Собиқ ва ҳозирги футболчилар ўртасида кечган беллашув 7:5 ҳисобида терма жамоа ғалабаси билан якун топди. Месси биринчи бўлимда 3 та гол урди. 

Маълумот ўрнида, Макси Родригес фаолиятини 2022 йил январь ойида якунлаганди. Ярим ҳимоячи Лионель каби "Ньюэллз Олд Бойз" клуби тарбияланувчиси ҳисобланади. Қолаверса, Макси фаолияти мобайнида "Атлетико", "Ливерпуль" каби клублар шарафини ҳимоя қилган.