Месси Туркия Суперлигасига йўл олиши мумкин

МЛСда учинчи мавсумини ўтказаётган Лионель Месси 2026 йилги Жаҳон чемпионати олдидан ўз жисмоний формасини сақлаб туриш мақсадида вақтинчалик бошқа клубга ўтишни режалаштирмоқда.

"RMC Sport" хабарга кўра, аргентиналик футболчининг вакиллари дастлаб Саудия Арабистони жамоаларига мурожаат қилган, бироқ мамлакат спорт раҳбарияти бу таклифни рад этган.

Туркиянинг "Fotomac" нашри тарқатган маълумотларга кўра, Месси "Галатасарой" билан тўрт ойлик шартнома тузиши мумкин. Клуб футболчига жиддий қизиқиш билдирмоқда.

Эслатиб ўтамиз, жамоа жорий мавсумда Осимҳен, Сане ва Гюндоган каби юлдузларни ҳам ўз сафига қўшиб олган ва ҳозирда Туркия чемпионатида 29 очко билан пешқадамлик қилмоқда.