Месси учун бу кутилмаган қарор бўлди

Аргентиналик ҳужумчи Лионель Месси Франция чемпионати доирасидаги "Марсель"га қарши ўйинда захирага олинди.

Парижликлар бош мураббийи Кристоф Гальте 79-дақиқада Лео ўрнига майдонга Пабло Сарабияни туширди. Бу Мессининг жорий мавсумдаги энг эрта алмаштирилиши.

Қолаверса, футболчи деярли бир йил давомида бу қадар эрта захирага олинмаган эди. 2021 йил 29 октябрь "Лилль"га қарши ўйиннинг танаффусида у ўз ўрнини жамоадошига бўшатиб берган. 

Маълумот учун, 35 ёшли ҳужумчи жорий мавсум Лига 1 да 9 та ўйинга майдонга тушиб, 5 та гол урган ва 7 голга ассистентлик қилган.