Месси ва Роналдуни Беларусга таклиф қилишмоқда

"Арсенал" собиқ футболчиси Александр Глеб Беларусь чемпионати коронавирус пандемияси ортидан ҳам тўхтатилмагани ҳақида ўз фикрларини билдириб ўтди.

"Бутун дунёдаги футбол мухлислари Беларусь чемпионатини кузатиб боришлари мумкин. Жонли футбол кўрмоқчи бўлганларга телевизор қаршисида бизнинг футболимизни кўришни тавсия қиламан. Чемпионлар лигаси, Европа лигаси ва барча миллий биринчиликлар тўхтатилди. Биз эса Европада профессионал футбол баҳслари давом этаётган ягона лигамиз. Шундай экан, Криштиану Роналду ва Лионель Месси Беларусь чемпионатида мавсумни давом эттиришлари мумкин", - дейди собиқ футболчи.