Месси ва Роналдунинг даври ўтди!

XXI асрнинг дастлабки чораги Лионель Месси ва Криштиану Роналду эраси сифатида тарихдан муқим жой олган. Йигирма йилга яқин вақт давомида бу футболчилар деярли барча рекордларни янгилаб бўлди. Энди янги авлод футболчиларига уларнинг натижасини такрорлаш осон бўлмайди. Шунга қарамай, ҳозир икки ҳужумчи борки, уларнинг даври энди бошланмоқда. Бу ПСЖ тўпурари Килиан Мбаппе ва «Боруссия» ҳужумчиси Эрлинг Холанддир.

Футбол клубларининг энг нуфузли мусобақаси – Европа Чемпионлар лигасининг навбатдаги ўйинида Мбаппе учта,  Холанд иккита гол урди.

Мбаппе 21 ёшгача Чемпионлар лигасида энг кўп гол урган ўйинчи ҳисобланади. Унинг ҳисобида 19 та аниқ зарба бор. Энди Килиан бу кўрсаткични ошира олмайди.Чунки ёши 21 дан ўтган. Унинг рекордини Эрлинг Холанд янгилашга яқин турибди. Норвегиялик тўпурар франциялик рақобатчисидан ёшроқ. Холанд голлари сонини 18 тага етказди ва ҳали бу натижани янгилаши учун етарлича имконияти бўлади.

Чемпионлар лигасининг 21 ёшгача бўлган тўпурарлари рўйхати билан танишинг:

  1. Килиан Мбаппе («Монако», ПСЖ) — 19 гол
  1. Эрлинг Холанн («Зальцбург», «Боруссия» Дортмунд) — 18
  1. Карим Бензема («Лион») — 12
  1. Патрик Клюйверт («Аякс») — 9

    5-8. Обафеми Мартинс («Интер») — 8

    5-8. Лионель Месси («Барселона») — 8

    5-8. Рауль Гонсалес («Реал») — 8

    5-8. Хавьер Савиола («Барселона») — 8.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар