Месси халқаро фаолиятини қачон якунлашини айтди

Аргентина терма жамоаси сардори Лионель Месси халқаро фаолиятини қачон якунлашни режалаштираётганини айтди.

- Тўғрисини айтсам, ҳозирча буни аниқ билмайман. Лекин терма жамоадан кетадиган вақтим келиши аниқ. Кейин пайтда ўзим истаган нарсаларнинг барчасига эришдим. Бундан буёғига терма жамоада завқ олиш учун ўйнайман.

Терма жамоадан қачон кетишим кераклигини Худонинг ўзи кўрсатади. Бу тез орада юз беришига аминман. Ёшимни инобатга олганда бу мантиқан тўғри.

Терма жамоа билан бирга мураккаб йўлни босиб ўтдик. Жаҳон чемпионати ва Америка кубогида ғолиб чиқишни уддаладик, - деди Лионель Месси.