Месси захирада ўтириб ҳам рекордларни урмоқда

Испания чемпионатининг навбатдаги турида “Барселона” ўз майдонида “Бетис” футболчиларини 5:2 ҳисобида мағлуб этди.

Учрашувни захирада бошлаган Лионель Месси ўйинга иккинчи бўлимда қўшилди ва рақиб дарвозасига иккита гол урди. Шу тариқа, аргентиналик ҳужумчи  XXI асрда захирадан майдонга тушиб, энг кўп гол урган футболчига айланди. У асосий таркибда ўйнамаган учрашувларда рақиб дарвозасини жами 26 та марта ишғол қилган. Бу рекорд натижа.

Месси жорий мавсумда олти марта пенальтидан ва бир бор ўйиндан гол урди. У тўпурарлик борасида самарадорликка эриша олмаяпти.