Мессидан сўнг Мбаппе ҳам шу қарорга келди
ПСЖ ҳужумчиси Килиан Мбаппе ёзда Парижда бўлиб ўтадиган Олимпиадада иштирок этишни режалаштирмоқда. Бу ҳақда "L’Equipe" нашри хабар берди.
Хабарга кўра, 25 ёшли форвард ўз ватанида бўлиб ўтадиган мусобақада Франция олимпия терма жамоаси сафида ўйнамоқчи. Унда ҳар бир терма 23 ёшдан ошган учта футболчини ўз сафига қўшиб олиш ҳуқуқига эга.
Ушбу ёзда Германияда 14 июндан 14 июлга қадар Европа чемпионати, 26 июлдан 11 августга қадар эса Олимпиада бўлиб ўтади. Килиан Олимпиадада ҳам қатнашса, ёзни тўлиқ таътилсиз ўтказган бўлади.
Жорий мавсумда Мбаппе барча турнирларда 31 та ўйин ўтказиб, 32 та гол урди ва 7 та голли узатмани амалга оширди.
Фикрлар