Мессига "Манчестер Сити"дан жиддий таклиф бор

Лионель Мессининг келажаги ҳали ҳам футбол оламида энг кўп муҳокама қилинадиган мавзулар рўйхатида. Бунинг ажабланарли жойи йўқ, чунки аргентиналикнинг ПСЖ билан амалдаги шартномаси мавсум охирида якунига етади.

"Манчестер Сити" ёзги трансфер ойнасида Лионель Мессини ўз сафига қўшиб олишни режалаштирмоқда, дея хабар берди "Fichajes". Манба берган хабарга кўра, "шаҳарликлар" бош мураббийи Хосеп Гвардиола аргентиналик футболчини "Этиҳад" стадионига олиб келишни режа қилган.

Хосеп Гвардиола ўз интервьюларида Лионель ўз мураббийлик қилган энг яхши футболчи эканлигини бир неча бор таъкидлаган.

Эслатиб ўтамиз, Месси жаҳон чемпионати тугагунига қадар келажаги ҳақида қарор қабул қилишни режалаштирмаяпти.