Messiga taklif!

“Pari Sen-Jermen” rahbariyati jamoa yulduzi Lionel Messi bilan amaldagi shartnomani uzaytirishga qaror qildi.

Tomonlarning hozirgi kelishuvi kelasi mavsum oxirigacha davom etadi. Shuni inobatga olgan klub mutasaddilari o‘yinchining agentlariga hamkorlikni yana bir yilga uzaytirish masalasi ko‘rilib chiqilayotganini ma’lum qildi.

PSJ yozgi transferlar vaqtida juda katta o‘zgarishlarni amalga oshirmoqda. Rahbariyati o‘ndan ziyod futbolchiga chiqish eshiklarini ko‘rsatgan.

Bundan tashqari, klub vakillari yangi loyiha uchun kerak bo‘lgan o‘yinchilarning shartnomasini yangilashni ham unutayotgani yo‘q.

Messining PSJda o‘ynayotgan Parij klubiga turli homiylarni jalb etish va moliyaviy operetsiyalarni amalga oshirishida muhim ahamiyat kasb etmoqda.