Мессининг “Барселона”га ўтиши бир масалага боғлиқ

Лионель Месси фаолиятини қаерда давом эттириши мумкинлиги ҳақидаги муҳокамаларда “Барселона” варианти ҳам тилга олинмоқда.

Манбаларнинг маълум қилишича, 35 ёшли футболчининг Каталонияга қайтиши бир неча омилларга боғлиқ. Хусусан, журналист Вероника Брунати “Барселона” раҳбарияти ҳозирча келаси мавсум футболчиларга тўланадиган энг баланд маош қанча бўлишни билмайди ва айнан мана шу масала Мессини қайтаришга тўсқинлик қилмоқда.

Лео айни пайтда бир мавсум учун 38 миллион евро маош оляпти. ПСЖ музокарада бир йиллик шартнома ва қисқартирилган маош таклиф қилиб, рад жавобини олди.

Каталонияликлар Мессига шартнома таклиф қилиш учун унга қанча маош тўлашни аниқ кўрсатиши керак ва бу кичкина сумма бўлмайди.