Мессининг номини тилингга олма!

ПСЖ ҳужумчиси Лионель Мессининг отаси Хорхе ўғли масаласида “Барселона” президенти Жоан Лапорта билан телефон орқали гаплашди.

Marca нашрининг маълум қилишича, Хорхе Месси Каталония клуби хўжайинидан ўз интервьюларида Леонинг номини тилга олмасликни талаб қилган.

Месси фаолиятининг асосий қисмини каталонияликлар сафида ўтказган. Аргентиналик ҳужумчи 2005-2021 йиллар давомида “Барса” сафида 777 та учрашувда 672 та гол варган ва 302 та голли пас узатган.

Лионель Месси ўтган йили ёзда ПСжга кўчиб ўтди ва ўз совринлари қаторига Франция чемпионати олтин медалини ҳам қўшиб қўйди.