Мессининг оладиган маош ва бонус пуллари маълум бўлди

Яқиндагина ПСЖ билан шартнома имзолаган Лионель Мессининг трансфер тафсилотлари маълум бўлди.

"Le Parisien" нашри тарқатган хабарга кўра, аргентиналик футболчи Париж клубида 2 йил мобайнида 120 миллион евро ишлаб топади. Жамоа янги юлдузига йилига 40 миллион евро миқдорида бонус тақдим этади.

Унинг маоши эса, 41 миллион евро этиб белгиланган. Мисол учун, Лео Чемпионлар Лигаси ва "Олтин тўп"ни қўлга киритса, ушбу мукофот пулларини қўлга киритади. Шу тариқа, Месси ПСЖнинг энг кўп даромад оладиган ўйинчисига айланади. Шунингдек, у Франция чемпионатининг энг кўп маош олувчи футболчисига айланади.

Маълумот учун, 34 ёшли Месси янги клуби сафига эркин агент сифатида келиб қўшилди. Унинг "Transfermarkt" порталидаги нархи 80 миллион евро этиб белгиланган.