Мессининг отаси Каталонияга келди

Леонинг отаси ва агенти Хорхе Месси ўғлининг жамоадаги тақдирини ҳал қилиш учун Барселонага етиб келди. У Каталониядаги "Эл Прат" аэропортига қўнди. Журналистлар томонидан берилган саволларга:

"Мен ҳеч нарсани билмайман, йигитлар", - дея жавоб қайтариб, ўтиб кетди. 

Ушбу ташрифнинг асосий мақсади клуб ва футболчи ўртасидаги масалага якуний ечим топиш. Аргентиналик суперюлдуз клубдан кетишни хоҳлаётгани бир неча кунлардан буён интернет тармоқлари мавзусига айланган. Ўз навбатида, "Барселона" Мессига 2023 йилгача шартномани узайтиришни таклиф қилмоқчи.