Мессининг отаси ўғлининг қайси жамоага ўтишини айтди

Лионель Месси тез орада ПСЖ футболчисига айланади. Футболчининг отаси Хорхе La Sexta билан суҳбатда қуйидаги сўзларни айтди: "Ҳа, Лео бугун ПСЖ билан шартнома имзолайди".

Инсайдер журналист Фабрицио Романонинг сўзларига кўра, Мессининг вакиллари чоршанба куни трансферни расман эълон қилиш ва матбуот анжумани ташкил этиш ҳақида парижликлар билан музокара олиб бормоқда.

Аргентиналик футбол юлдузи тез орада Парижга учиб кетади.

Эслатиб ўтамиз, Месси ПСЖга эркин агент сифатида ўтмоқда. Унинг йиллик маоши 35 миллион еврони ташкил этади ва у “2+1” кўринишида шартнома имзолайди.