Мессининг собиқ устози Франция клубини бошқаради

"Марсель" раҳбарияти собиқ бош мураббий Андре Виллаш-Боаш билан шартномани бекор қилди. 2 февраль куни клуб матбуот хизмати португалиялик мутахассис ишдан четлатилгани ҳақида хабар қилган эди.

27-февраль куни эса "Марсель" Аргентина терма жамоаси собиқ бош мураббийи Хорхе Сампаоли билан 2023-йилгача мўлжалланган келишувга имзо чеккани ҳақида хабар берилди. Бугун эса 60 ёшли мутахассис Францияга етиб келди. Қайд этилишича, яқин вақтлар ичида Сампаоли иштирокида матбуот анжумани ўтказилади.

Франция чемпионати 27-туридан сўнг "Марсель" 39 очко билан еттинчи поғонани банд этиб турибди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар