Мессининг устози Роналдуга мураббийлик қилади!

"Манчестер Юнайтед" раҳбарияти клуб бош мураббийи лавозимига номзод излашда давом этмоқда.

Хабарларга кўра, "қизил иблислар" муваффақиятсизликларга қарамай ПСЖ устози Маурисио Почеттинони олиб келмоқчи. Жамоа президентлари аргентиналик мутахассис МЮни яна совринлар учун курашга қайтара олишига ишонмоқда.

Ўз навбатида, парижликлар ҳам Почеттинони жамоада олиб қолишни ортиқ истамаяпти. Уларнинг мақсади айни пайтда ишсиз юрган Зинедин Зидан билан шартнома имзолаш.

Маълумот учун, "Пари Сен-Жермен" 50 ёшли мутахассис бошчилигида ички чемпионатда пешқадамлик қилмоқда.