Тошкентда машғулотларни бошлаган “Металлург” клуби селекция ишларини ҳам олиб боряпти. Бугун жамоа етакчиларидан бири бўлган Шаҳзод Убайдуллаевнинг “Шахтёр” клубига трансфери расман эълон қилинди.

Бекободликларга унинг ўрнини тўлдирадиган ҳужумчи керак. Sports.uz нашрига маълум бўлишича, айни пайтда клубда Иван Нагаев шуғулланмоқда. Бундан чиқди, “Металлург” Убайдуллаевнинг ўрнини ушбу ҳужумчи билан тўлдирмоқчи шекилли. Аммо ҳозирча кўрикдан ўтмоқда. Ўтган мавсумда ушбу футболчининг фаолияти кўнгилдагидек чиқмади. “Сўғдиёна” таркибида 9 та ўйинда майдонга тушди, аммо гол ура олгани йўқ. Кейин эса таркибда кўринмай қолди. Балки унга жароҳатлар халақит қилгандир.

Лекин “Металлург”га яна бошқа ҳужумчилар ҳам керак. Чунки ўтган йилги таркибдан Шаҳзод Убайдуллаевдан ташқари яна бир ҳужумчи - Мурод Бобожонов ҳам кетган.

Матнда хатолик топсангиз, ўша хатони белгилаб, бизга жўнатинг (Ctrl + Enter)