"Металлург" учун "Қизилқум" ноқулай рақибга айланган...ми?

«Металлург» ва «Қизилқум» шу кунгача элитада 46 марта куч синашган: унинг 16 таси «Металлург», 18 тасида «Қизилқум» ғалаба қозонган, 12 та учрашувда кучлар тенг келган. Киритилган ва ўтказиб юборилган тўплар фарқи 61:59, воҳаликлар фойдасига. «Металлург» бу рақибини икки марта 4:1 ҳисобида доғда қолдирган (2006, 2019). «Қизилқум» эса битта учрашувда жавобсиз бешта тўп (0:5, 2006) киритган.

Ушбу жамоаларнинг Бекободда бўлиб ўтган 23 та учрашувидан 11 тасида майдон эгалари ғалаба қозонган, 6 та учрашувда дурангга имзо чекилган. 6 та ўйинда меҳмонлар зафар қучган. Бу учрашувларда «Металлург» рақиблари дарвозасига 40 та гол киритиб, ўз дарвозасидан 26 та тўп ўтказиб юборган.

Бекободда сўнгги бешта учрашувда қайд этилган натижа:

06.05.2022  Металлург – Қизилқум   – 1:1

01.08.2021  Металлург – Қизилқум   – 1:2

22.08.2020  Металлург – Қизилқум   – 1:2

12.04.2019  Металлург – Қизилқум   – 4:1

12.08.2018  Металлург – Қизилқум   – 2:1

“Металлург” матбуот хизмати.