"Металлург" ва "Пахтакор" масаласида ёқимли бўлмаган мавзуларга чек қўйишга эришдик" - Диёр Имомхўжаев

ЎзПФЛ томонидан футболчиларни рўйхатга олиш муддати якунланишига бир неча кун қолди. Ташкилот бош директори Диёр Имомхўжаев Бекободнинг "Металлург" жамоасига тўхталди:

"Металлург" клуби ҳам чемпионатни бошлаш йўлида барча масалани ҳал қилди. Клуб сўнгги уч йилда ўзининг барқарор ривожланиш йўналишига тушиб олди, дейиш мумкин. Энг катта умид — янги академиядан.

Бир нарсани таъкидлаш керак. Яқин-яқингача "Металлург" ва "Пахтакор" масаласида унча ёқимли бўлмаган мавзулар бутун ОАВни босиб кетарди. Биз сўнгги 2 йилда бу мавзуларга чек қўйдик. Бугунги "Металлург" ўз анъаналари ва ўз принципларига эга. Ишонамизки, клуб 2022 йилда қолган 13 клубга тоза ва томошабоп рақобат таклиф қила олади".