"Metallurg" yangi futbolchilarning taqdimotini o‘tkazdi

Yangi mavsumning ilk uchrashuvini safarda o‘tkazgan “Metallurg” 2-turdan oldin o‘z qarorgohida yangi o‘yinchilari taqdimotini o‘tkazdi.

"Metallurg" 2024 yilgi mavsum arafasida 8 nafar yangi o‘yinchi bilan shartnoma imzoladi. Ulardan uch nafari – Mirg‘iyos Sulaymonov, Abbos Otaxonov, Hazratjon Tursunqulov turli muddatli tanaffusdan keyin qadrdon jamoasiga qaytishdi. “Metallurg” tarkibini shuningdek, uch nafar legioner – Mirko Milichkovich, Boban Jorjevich hamda Davronjon Ergashevlar bilan to‘ldirdi. Bundan tashqari, jamoaga tajribali darvozabon Rahimjon Davronov va yarim himoyachi Sirojiddin Qo‘zievlar kelib qo‘shildi.

Taqdimot marosimida klub bosh direktori Shavkat Saidov hamda jamoa bosh murabbiyi Vesko Steshevichlar yangi o‘yinchilar mavsum davomida qaysi tartib raqamlarida maydonga tushishlarini ma’lum qilishdi.

Eslatib o‘tamiz, “Metallurg” mavsumdagi ilk uy uchrashuvini 8 mart kuni Olmaliq shahridagi OKMK sport majmuasida “So‘g‘diyona”ga qarshi o‘tkazadi. O‘yin soat 15:00 da boshlanadi.

"Metallurg" matbuot xizmati.