Мэйсон Гринвудга "Барса" ва "Атлетико"дан ташқари А Серия гранд клуби ҳам қизиқиш билдирмоқда
Трансфер ҳуқуқи "Манчестер Юнайтед"га тегишли бўлган, ҳозирда "Хетафе" шарафини ҳимоя қилаётган Мэйсон Гринвудга Италиядан харидор клуб топилди. "La Gazzetta dello Sport" нашрининг хабар беришича, ёш футболчига Туриннинг "Ювентус" жамоаси ўз сафига қўшиб олмоқчи.
Гринвудга "Юве"дан ташқари Испаниянинг "Барселона" ва "Атлетико" клублари ҳам қизиқиш билдирмоқда. Ҳозирча МЮ ҳам Мэйсонни сотиб юбориш вариантларини кўриб чиқмоқда.
Маълумот ўрнида, англиялик футболчи жорий мавсум Ла Лиганинг 24 ўйинида 6 гол ва 5 ассистни ўз номига расмийлаштириб қўйди.
Фикрлар