"Милан" 20 ёшли франциялик футболчини кўз остига олиб қўйди

"Страсбур" ҳимоячиси Муҳаммад Симакан "Милан"нинг қизиқиш доирасига кирди.

Calciomercato нашри тарқатган хабарга қараганда, "россонерилар" 20 ёшли франциялик футболчини Матео Мусаккиога муносиб ўринбосар сифатида кўрмоқда. "Страсбур" Симаканнинг трансферини 15 миллион еврога баҳоламоқда. Муҳаммаднинг ўзи "Милан"да тўп суришни орзу қилиб келади.

Симакан “Страсбур” сафида шу пайтгача жами 36 та ўйинда майдонга тушди ва 1 та гол урди. Унинг клуб билан амалдаги шартномаси 2023 йилга қадар имзоланган.