"Милан" аранг мағлубиятдан қутулиб қолди

Италия А Серияси 11-туридан ўрин олган "Милан" - "Парма" учрашуви ўз якунига етди. Унда жамоалар 2:2 ҳисобидаги дурангга имзо чекишди. 

"Парма" сафидан Эрнани ва Куртич урган голларга миланликлардан Тео Эрнандес 2 маротаба жавоб қайтаришга эришди. 

Ушбу дурангдан кейин, Стефано Пиоли шогирдлари очколари сонини 27 тага етказиб, ҳамон 1-ўринда бормоқда. 

• 90+4'
  

  Учрашув якунланди! "Милан" ўз уйида камбек амалга ошириб, Теонинг қаҳрамонлиги эвазига 1 очкога эга бўлди. Матнли трансляцияни Абдулла Маннонов олиб борди. Эътиборингиз учун раҳмат!

• 90+3'

  Драматик кечаётган сўнгги дақиқаларда бурчак тўпидан наф чиқарила олинмади! Чалҳаноглу адашди.

• 90+1'
  

  ГОООООООООООООООООООООООООООООООЛЛЛЛ!!!! "Милан" барибир ўз сўзини айтди!!! Тео Эрнандес қаҳрамонлик намойиш этиб, жарима майдони ичидан туриб супер гол урди! Фантастика! 2-2!

• 90'
  

  Учрашувга 4 дақиқа вақт қўшиб берилди. "Милан" борган сари авжига чиқмоқда!

• 87'
  

  "Парма"да сўнгги ўзгариш, қаҳрамон Эрнани ўрнига Максим Бузи майдонга тушди.

• 86'
  

  Ҳакан Чалҳаноглу бурчак зарбасини ижро этади. Узатма Калулунинг бош билан берган ноаниқ зарбасидан сўнг якунланди.

• 84'

  Франк Кесси жарима майдони чизиғи устида тўпни қабул қилиб олди ва кучли зарба берди. Тўп дарвозанинг ўнг устунига тегди! Даҳшат!!!

• 83'
  

  Қарши ҳужумни тўхтатгани учун ҳам Калулуга сариқ карточка кўрсатилди.

• 80'
  

  Давиде Калабрия сариқ карточка билан жазоланди. Негалигига эса футболчининг ўзи ҳам ҳайрон.

• 80'
  

  "Парма"дан ҳам худди "Милан"ники сингари муваффақиятсиз жарима зарбаси.

• 79'

  "Милан" кетма-кет ҳужумларда ўзини кўрсатмоқда, зарбалар сони ҳам анча юқори.

• 77'
  

  Роберто Инглезе қўпол фоли учун сариқ карточка билан жазоланди.

• 76'
  

  Чалҳаноглу фаол ҳаракатлари билан жамоасига яна бир бурчак зарбаси ишлаб берди. Луижи Сепе ўз ўрнида.

• 75'
  

  "Милан"да ҳам ўзгариш амалга оширилди: Исмоил Беннасер ўрнига Сандро Тонали майдонга тушди.

• 74'
  

  "Парма"да яна бир ўзгариш: Ясмин Куртич ўрнига Симон Соҳм майдонга тушадиган бўлди.

• 71'

  "Милан" ўйин темпииҳни назорат қилмоқда.

• 69'

  Анте Ребич рақибини ортда қолдириб дарвоза томонга қараб юраётган жойида йиқитилди ва ҳакам фол қайд этди. Жарима зарбаси.

• 67'
  

  2-ўзгариш, Янн Карамо ўрнига Вилан Киприен ўйинга қўшилди.

• 67'
  

  "Парма" таркибида ўзгариш: Андреас Корнелиус ўрнига майдонга Роберто Инглезе қўшилди.

• 66'

  Хакан Чалҳаноглу бурчакда тўпни қабул қилиб олди ва жамоадошларини қулай вазиятга чиқариб юборди. Зарбага эса бироз аниқлик етишмади.

• 64'
  

  Симоне Яккопони йўқ жойдан сариқ карточка ишлаб олди. Ҳакам ҳақ.

• 62'

  "Милан" аъзолари бир-бирига жуда аниқ паслар беришмоқда.

• 58'
  

  ГООООООООООООООООЛЛЛ!!! Ваниҳоят "Милан" ўз сўзини айтди! Чалҳаноглунинг пасини бош билан жуда яхши ўйнаган Тео Эрнандес дарвозага жойлаб қўйди! Супер тезкор жавоб! 1-2!

• 58'
  

  "Милан" ҳозир бурчак тўпи тепади.

• 56'
  

  ГОООООООООООООООООЛЛЛ!!! "Парма" нималар қиляпти а! Эрнанининг пасини Куртич боши билан Доннарумма дарвозасига жойлаб қўйди! 0-2!

• 55'
  

  Мезбонлар бурчак тўпини амалга оширишда хатога йўл қўйди, рақиб қарши ҳужумга ўтиб кетди!

• 54'

  "Милан" доимгидай тўпни назорат қилмоқда.

• 52'

  Чалҳаноглу бугун гол уришига ишонмаяпти шекилли? Бу вазият гол бўлиши керак эди, зарбага бирозгина аниқлик етишмади!

• 50'
  

  "Милан" бурчак тўпидан яна бир бор хавфли вазият чиқара олмади. Тўп йўқотилди.

• 50'

  Франк Кесси жарима майдони ичига паслатиб кучли пас берди, бироқ ҳимоячилар яна таваккал қилмасдан тўпни чиқариб юборишди.

• 49'

  Мезбонлар ажойиб жамоавий ўйин намойиш этмоқда, қисқа ва аниқ паслар сериявий давом этмоқда. Рақибнинг хатоси кутилмоқда.

• 46'
  

  "Милан" таймни 2 ўзгариш билан бошлаб олди: Кастильехо ва Браим Диас ўрнига Леау ва Ҳауге майдонга тушишди. Ақлли юриш.

• 46'
  

  Иккинчи таймга старт берилди!

• 45'

  Футболчилар майдонга қайтишмоқда, биз ҳам қайтамиз.

• 45+4'
  

  1-тайм ўз ниҳоясига етди. "Парма" 1-бўлимни ютган ҳолда якунлади. Танаффус.

• 45+1'

  "Парма" футболчилари дарвоза устунларига раҳмат айтишлари шарт! Чалханоглунинг зарбаси ҳам устунга тегиб майдонни тарк этди!!!

• 45'
  

  1-таймга 3 дақиқа вақт қўшиб берилди.

• 43'

  Браим Диаснинг кучли зарбаси ҳам дарвоза устига тегиб майдон ташқарисига чиқиб кетди!

• 43'
  

  "Милан" бурчак тўпидан яна бир хавфли вазият яратди, тўп зарбадан сўнг дарвоза устунига тегди!!!

• 42'
  

  "Парма" футболчиси Ёрдан Осорио сариқ карточка билан жазоланди.

• 41'
  

  "Милан" бурчак тўпидан хавфли вазият юзага келтирди. Тўп бирибир охирида йўқотилди.

• 40 '

  Самуель Кастильехо жарима майдони ичига узатма амалга оширди, тўпни ҳимоячилар ташқарига чиқариб юборди. Ҳакам бурчакни кўрсатди.

• 37'

  Анте Ребичнинг узоқ вақт режалаштирган зарбаси хавфли тус олиши мумкин эди, бироқ зарба ҳимоячилар томонидан блокланди.

• 35'
  

  Тео Эрнандес ҳакамга нисбатан қўпол гапларни айтиб, қизишиб кетди ва сариқ карточка билан жазоланди.

• 34'

  "Милан" футболчилари қисқа пасларда ажойиб ишлашмоқда. Тўп назорати юқори.

• 32'
  

  Бурчакдан келган узатмани Кесси боши билан дарвозага йўналтирди, бироқ тўп анча юқорилаб кетди.

• 31'

  Франк Кессининг ажойиб юриши бурчак зарбаси ишлаш билан якунланди. Чалханоглу уни ижро этади.

• 29'

  Исмоил Беннасер тактик фол ишлатди ва ҳакам буни илғаб, ҳуштагини чалди.

• 28'
  

  "Милан" бу сафар ҳам бурчак тўпидан наф чиқара олмади. Тўп бой берилди. Ўйин темпи борган сари ошиб бормоқда!

• 27'

  Гол бекор бўлганига қарамай "Милан" тўхтаб қолгани йўқ - аксинча, тезлашди. Жамоада яна бир бурчак зарбаси юзага келди.

• 25'
  

  Миланнинг голи офсайд сабабли бекор қилинди! ВАР ходимлари ҳакамга хабар берди.

• 23'
  

  ГОООООООООООООООЛЛЛ!!! "Милан"дан тезкор жавоб! Браим Диас тиззаси билан тўпни Кастильехога тўғирлаб юборди, дарвозабоннинг чалғиб қолганидан фойдаланган Самуел эса ҳисобдаги мувозанатни тиклади! 1-1!

• 21'

  Янн Карамо тепган кучли зарба Доннарумма дарвозасининг ўнг устунига бориб тегди!

• 20'
  

  "Милан" бурчак зарбасидан хавфли имконият ярата олмади. Тўп йўқотилди, ҳужум иккинчи темпда давом этиши мумкин.

• 19'

  Чалханоглунинг узун кроссини ҳимоячилар боши билан тўпни майдон ташқарисига чиқариб юборди. "Милан" бурчак тўпи тепади.

• 18'

  Пиоли шогирдлари тўпни ишонч билан назорат қилишмоқда. "Парма" қарши ҳужум тактикасига ўтиб олди.

• 16'
  

  "Милан" хавфли бурчак тўпи тепди, вазият энди хавфлилашганида "Парма" футболчилари ирода кўрсатиб, хавфни бартараф этди.

• 15'

  Голдан сўнг "Милан" қайта жонланди ва ҳужумга ўтди. Ҳимоячилар тўпни яна бурчакка чиқариб юборди.

• 13'
  

  ГОООООООООООООООЛЛЛ!!! Жервиньонинг супер пасидан сўнг Эрнани тўпни дарвозанинг чап бурчагига жойлаб қўйди, Доннарумма бу вазиятда ожиз қолди. 0-1!

• 12'

  Мезбонлар тўпни назорат қилишмоқда, кўплаб қичқа паслар орқали рақиб хатоси кутилмоқда.

• 10'

  "Парма" ҳужумга чиқишга ҳаракат қилмоқда, бироқ бесамар.

• 8'
  

  "Милан" бурчак тўпини қисқа паслар орқали амалга оширди. "Парма" футболчилари вазиятни бир амаллаб юмшатишди.

• 7'

  Тео Эрнандес қанотдан жарима майдони тарафга югураётган эди, бироқ ҳимоячи уни тўхтатиб қолди - мезбонларда бурчак тўпи.

• 5'
  

  Мажбурий ўзгариш: жароҳат олган Габбия ўрнига Калулу майдонга тушди.

• 4'
  

  Мезбонлар сафидаги футболчи илк дақиқаданоқ жароҳат олди. Футболчи ўйинни давом эттира олмайди.

• 2'

  Илк дақиқаларданоқ "Парма" прессинг уюштирмоқда. "Милан" ҳозирча ўз майдонидан чиқа олганича йўқ.

• 1'
  

  Учрашув бошланди!

• 0'

  Футболчилар майдонга чиқиб келишмоқда. Италия А серияси мадҳияси янгради.

• 0'

  Ассалому алайкум, қадрли футбол ихлосмандлари! Италия А серияси 11-турининг турнир пешқадами иштирокидаги бахсига хуш келибсиз. Матнли трансляцияни Абдулла Маннонов олиб боради.