Milan bosh direktori: "U hali o‘z so‘zini ayta oladi"

"Milan" klubi rahbariyati  bosh murabbiy Paulo Fonsekani to‘liq qo‘llab-quvvatlaydi. Jamoa joriy mavsum A seriyada hali g‘alaba qozona olgani yo‘q. Uchta o‘yinda atigi ikki ochko qo‘lga kiritildi.

"Biz Paulo Fonseka va jamoadagi barcha bilan birgamiz. Murabbiylar shtabi klub tomonidan to‘liq qo‘llab-quvvatlanmoqda. Mavsum arafasida ushbu shtab bilan ish boshlaganimizdan mamnunmiz.

Albatta, maqsadimiz uchta bellashuvda to‘qqiz ochko qo‘lga kiritish edi. Ammo mayli bo‘lar ish bo‘ldi. Lekin ortiqcha vahima bo‘lmang”, - dedi "Milan" bosh direktori Jorjio Furlani.