"Milan" himoyachisi "Yuventus"ni qiziqtirib qo‘ydi

Turinning "Yuventus" klubi "Milan" himoyachisi Teo Ernandesni o‘z safiga qo‘shib olmoqchi. Bu haqda Football Italia nashri xabar tarqatmoqda.

Yuqoridagi manbaga ko‘ra “keksa sinora” 22 yoshli frantsiyalik futbolchi uchun 45 mln evro taklif qilmoqchi. O‘z navbatida “rossonerilar” ham Ernandesni 40-50 mln evro atrofiga qo‘yib yuborishga rozi.

Ma’lumot uchun, Ernandes joriy mavsum “Milan” safida 6 ta gol hamda 2 ta golli uzatma yozdirib qo‘yishga erishdi. Uning klub bilan amaldagi shartnomasi 2024 yilga qadar imzolangan.