"Милан" клуби "Шахтёр" ярим ҳимоячиси Тетега жиддий қизиқиш билдира бошлади. Бу ҳақда GaúchaZH нашри хабар тарқатмоқда.

“Милан” вакиллари мен билан боғланишди.Улар мендан Тетенинг трансфери масаласида гаплашишди. Айни дамда клублар ўртасида музокаралар кетмоқда. Ҳаммаси “Милан” ва “Шахтёр”нинг ўзаро келишувига боғлиқ”, - дейди бразилиялик футболчининг агенти.

Хабарларга қараганда “Шахтёр” Тетени 30 млн еврога баҳоламоқда.

Маълумот учун, “Шахтёр” Тетени Бразилиянинг “Гремио” клубидан 15 млн еврога сотиб олган эди. У жорий мавсум 13 та ўйинда майдонга тушди ва ўз ҳисобига 4 та гол ҳамда 3 та голли узатма ёздириб қўйишга эришди.