"Милан" ва "Интер" тажрибали мутахассисни олиб келмоқчи

Маурицио Сарри фаолиятини Италиянинг бошқа клубида давом эттириши мумкин.

"Il Messaggero" нашри тарқатган хабарга кўра, "Милан" ҳамда "Интер" уни ўз сафига қўшиб олмоқчи. Айни вақтда Милан шаҳри жамоалари Стефано Пиоли ҳамда Симоне Инзагининг ишидан қониқиш ҳосил қилмаяпти.

Шу сабабли, улардан бири ўз ўрнини италиялик тажрибали мутахассисга бўшатиб бериши эҳтимолдан ҳоли эмас. 63 ёшли Сарри айни вақтда "Лацио" бош мураббийи ҳисобланади. У "бургутлар" раҳбарияти билан бир неча бор жанжаллашиб қолган ва Римни тарк этишга қарши эмас.

А Серия 22-туридан кейин "Интер" иккинчи, "Милан" бешинчи, "Лацио" олтинчи поғонани банд этиб турибди.