"Милан" яна бир бор Малкомни сотиб олишга уруниб кўрмоқчи

"Барселона" вингери Малком фаолиятини Италия А Сериясида давом эттириши мумкин.

Corriere dello Sport нашри тарқатган хабарга кўра бразилиялик футболчининг хизматларига "Милан" клубидан жиддий қизиқишлар пайдо бўла бошлаган. "Россонерилар" вакиллари аллақачон Малкомнинг агенти билан учрашишган ва бу борада музокаралар ўтказишган.

Ўз навбатида Малком ҳам агар Гризманн “кўк-анор ранглилар” сафига кўчиб ўтса, жамоадан кетишга тайёр.

Эслатиб ўтамиз, "Милан" ўтган қишки трансферлар даврида ҳам Малкомнинг трансфери борасида "Барселона"га расмий таклиф билан мурожаат қилган эди. Аммо, ўшанда каталонияликлар Малком учун А Серия грандидан 50 млн евро талаб қилишганди.