Минаминонинг дубли “Ливерпуль“га ғалаба тақдим этди

Англия кубоги нимчорак финал босқичидан ўрин олган “Ливерпуль“ - “Норвич“ учрашуви якунланди. Унда мезбонлар 2:1 ҳисобидаги ғалабани қўлга киритди.

“Қизиллар“нинг 2 голи ҳам Минамино ҳисобига ёзиб қўйилди. Меҳмонлар ягона голига Рупп муаллифлик қилди.

Мазкур натижадан сўнг “Ливерпуль“ чорак финал йўлланмасини нақд қилди, “Норвич“ эса бугунги мағлубият сабаб кубок баҳсларидан чиқиб кетди.