Мирислом Ҳасанов: Қулай имкониятлардан унумли фойдалана олмадик

"Бугунги ўйин яхши ўтди. Қулай имкониятлар юзага келди. Лекин яратилган хавфли вазиятлардан унумли фойдалана олмадик. Йигитлар қўлдан келганча ҳаракат қилишди. Бунинг учун уларга раҳмат. Биринчи бўлимдан сўнг ҳисобда ортда бораётганимиз сабаб танаффусда ўйинни кучайтириш учун янги кучларни майдонга туширдик. Бир нечта хавфли вазият яратилди. Тўп хатто дарвоза тўсинига ҳам тегди, лекин рақиб дарвозасидан жой олмади.

Бизга бироз омад ҳам етишмади. Кейинги ўйинларга яхши тайёргарлик кўришга уринамиз. Ҳали иккинчи давра олдидан таркибни албатта кучайтирамиз. Бугун бизни қўллаб-қувватлаш учун Бухордан келган ишқибозларимизга ҳам ташаккур", - деб унинг сўзларини келтириб ўтди ПФЛ расмий сайти.