Миржалол Қосимов: "Локомотив"га қарши ўйин расмий машғулот эди

Олий лига 30-туридан ўрин олган "Локомотив" - "Бунёдкор" ўйинидан сўнг "қалдирғочлар" устози Миржалол Қосимов учрашув борасидаги ўз фикрларини билдириб ўтди.

"Локомотив"ни ғалаба билан табриклайман. Икки жамоага ҳам руҳан босим йўқ эди. Ҳамма ўз вазифасини бажарди. Мухлисларга ёқадиган ва жароҳатсиз ўйин бўлишини уқтиргандик. Бугун вазият ва голларга бой ўйин бўлди.

Жароҳат футболнинг бир қисми. Шаҳзод суст ҳаракат қилгани учун уни алмаштираётгандим. Лекин Гадоев майдонни тарк этди. Гадоевнинг аҳволи борасида аниқ нимадир айта олмайман. Эртага унинг аҳволини билиб оламиз. Унинг кўзига эътибор берганимда жароҳат жиддий эмасдек туюлди.

Бугун 3 марказий ҳимоячи билан ҳаракат қилдик. Чунки бу каби ўйинларда ҳар хил схемаларни синаб к6рдик. Бу "Локо"ни чалғитиш эмас, балки расмий машғулот десак тўғрироқ бўлади", - деб айтиб ўтди Қосимов.