Миржалол Қосимов: "Сурхон" исталган жамоа учун бошоғриқ бўлади"

Суперлигада 18-тур якунланди. ОКМК клуби бу турда ўз майдонида "Сурхон"ни қабул қилди ва 1:0 ҳисобида ғалаба қозонди. Беллашувдан сўнг жамоа бош мураббийи Миржалол Қосимов матбуот анжуманида иштирок этди.

- Ҳақиқатан ҳам жуда оғир ўйин бўлди. Бунга тайёр эдик. Тақвимдаги пауза сабабли баҳс осон бўлмаслигини билган эдик. "Сурхон" исталган жамоа учун бошоғриқ бўлади. Биринчи бўлимдаги четлатишдан сўнг, йигитлар жуда ёмон ўйин кўрсатди. Ҳозир гол урамиз деб шошилмай, секин ҳаракат қилишди. Хатолар қилдик. Бу ўйинимиз сифатини тушириб юборди. Иккинчи таймда тезликни оширдик ва бу натижа берди. "Сурхон"га омад тилайман. 

- "Насаф"га қарши ўйинга алоҳида режа борми?

- Албатта, бу жуда муҳим ўйин. Улар бежизга биринчи ўринда кетмаяпти. Бу 6 очколик ўйин. Биз учун охирги имконият. Яхши иштирок этсак, имкон пайдо бўлади.