Миср терма жамоаси бош мураббийи Салоҳни "Олтин тўп"га муносиб деб ҳисоблайди

Миср терма жамоаси бош мураббийи Хавьер Агирре ҳужумчи Муҳаммад Салоҳни "Олтин тўп"га муносиб деб ҳисоблашини айтди.

“Салоҳ ақл бовар қилмайдиган футболчи, у жамоадошлари учун жиддий ва яхши дўст. У жуда кўп меҳнат қиляпти ва “Олтин тўп”га муносиблигини кўрсатмоқда. У “Ливерпуль” билан бирга Чемпионлар лигасида ғолиб чиқди, агар у Миср терма жамоаси сафида Африка Миллатлар кубогида чемпион бўлса, “Олтин тўп”ни ундан ҳеч ким тортиб ололмайди”, - дейди Агирре.

Эслатиб ўтамиз, ҳозирча Африка қитъасидан фақатгина Жорж Веа 1995 йил “Олтин тўп”ни қўлга киритган. Шундан буён ушбу мукофотни “қора қитъа”нинг ҳеч бир вакили қўлга кирита олмаяпти.