MMA: Жон Жонс ғалаба қозонди ва UFC 247 нинг қолган натижалари

Бугун АҚШнинг Хьюстон шаҳрида UFC 247 турнири бўлиб ўтди. Кечанинг марказий жангида Жон Жонс ҳамда Доминик Рейес октагонда куч синашишди.

Тўлиқ давом этган жангда ҳакамлар бир овоздан Жонснинг ғалабасига қарор қабул қилишди. Шундай қилиб, Жонс UFCнинг яримоғир вазн тоифасидаги камарини ўзида сақлаб қолди.

UFC 247 турнири доирасида бўлиб ўтган бошқа жангларда қўйидаги натижалар қайд этилди:

UFCнинг енгил вазн тоифасидаги чемпиони Валентина Шевченко (19-3) учинчи раундда Кетлин Чукагянни (13-3) нокаутга учратди.

Жастин Тафа (4-1) биринчи раундда Хуан Адамсни (5-3) нокаутга учратди.

Мирсад Бектич (13-3) ҳакамларнинг турли қарорлари билан (29-28, 28-29, 28-29) Дан Игига (13-2) ютқазди.

Деррик Люис эса (23-7) рефереларнинг бир овоздан қабул қилган қарорларига кўра Илир Латифини (14-8) мағлуб этди (29-28 уч марта)